"Konponbideak eta informazio gardena" eskatu ditu Zuntza2021 taldeak

Zuntz optikoaren instalazioaren atzerapena dela eta, ohar bat kaleratu du. "Instalazio lanak maiatzean hasi behar ziren Udalaren adierazpenen arabera, eta dagoeneko herritarrok lau hilabeteko atzerapena ari gara sufritzen, inolako azalpenik jaso gabe", nabarmendu dute.

Zuntza2021 taldeak azaldu du uztailaren erdialdean sartu zuela BAZen zuntzaren instalazioak zeraman atzerapenaren inguruko azalpen eskaera bat, Udal Gobernuari zuzendua. "Erantzuna idatziz egotea eskatzen genuen, modu ofizial batean, eta ez genuen ezer jaso. Horren ordez, beste bilera batera joateko eskaintza jaso genuen, baina gure ikuspegitik, bilera horietan parte hartzeak baino askoz garrantzia handiagoa du, honezkero, idatziz azalpenak modu ofizialean jasotzeak. Bileretako hitzek balio handirik ez daukatela ikusi dugu eta".

Iruditzen zaie Udal Gobernuak ez dituela serio hartzen alde zaharreko herritarrak: "Mas Moviletik ez dugu erantzunik jaso, orain dela hainbat hilabete baimenak sinatu arren, eta horren aurrean, alkateak prentsaurrekoan epeen inguruan egia esan ez zigula dirudi".

Salatu dute, halaber, galdezka joaten udaletxera galdezka joaten diren herritarrak Zuntza2021 taldera bideratzen dituztela. "Hori oso larria dela uste dugu, guk ez daukagulako inolako informazio ofizialik edo aktarik; eta ez daukagulako ardurarik instalazio prozesuan. Zuntza2021 herritar plataforma bat da, erdiguneko arazo bat publikoki mahai gainean jarri duena eta konponbideak exijitu dituena".

Hori dela eta, "idatziz eta publikoki", Udalak instalazio prozesuaren berri ematea eskatzen dute, "atzerapenaren zergatia, benetako epeak, plangintza, prozesuaren momentuko egoera eta abar". Bestalde, iragarri dute mobilizazioak hasiko dituztela ez badute "aurrerapen zehatzik" ikusten "epe laburrean".

Erlazionatuak

Udal Gobernuak dio oraindik ez dagoela esparru bat ere erabat baimenduta zuntz optikoa jartzeko

Arrasate

Argibideak eman ditu alde zaharreko zuntz optikoaren proiektuaren inguruan eta nabarmendu du baimena sinatuta eta aurkeztuta daukaten atarteak 82 d...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.