Aita Menniko zuzendaritza: "ELAri ez diogu utziko pandemiaren kudeaketari buruzko leziorik ematen"

Agerraldia "ekidin zitekeela" azalduz ELAk egindako adierazpenak gogor salatu ditu Aita Menni ospitaleak. Azaldu dutenez, ELAren adierazpenak "berriz ere onartezinak, alarmistak eta oportunistak dira". Gaineratu dute, ez dietela utziko horrelako pandemia bat kudeatzeko moduari buruzko ikasgaiak ematen.

"Iritzi publikoak badaki bereizten ELAk gizartean duen zeregina eta baita irabazi-asmorik gabeko erakundeek, hala nola, Aita Mennik, dituztenak. Orain sektorizazioari egiten diote eraso, hitzarmenaren negoziazioaren kontrako iritziak sortu guran, COVID-19 agerraldi baten erabilera oportunista eginez", azaldu dute.

Gaineratu dute, ez dietela pandemiaren kudeaketaren gaineko leziorik ematen utziko, ELAk Gipuzkoako egoitzen kontra antzerako arrazoiengatik maiatzean jarritako bost salaketa atzera bota dituztenean.

Aita Mennik lau zentro handi kudeatzen ditu, baita eguneko zentroen eta anbulatorioen sare bat ere. Orain arte, horien kudeaketa "egoerak eskatutako baldintzetara egokituz egin dutela" azaldu dute. Eta gaineratu dute: "Zalantzarik gabe, beti hobetu daiteke, baina harro gaude Aita Menni osatzen dugunon lanaz eta konpromisoaz".  Zuzendaritzatik, pandemia kudeatzen duen taldearen dedikazio-ordu kopuru handia nabarmendu dute, eta ez dutela zertan "pertsona askoren lanari balioa kentzen dioten komunikatuak erantzuten aritu behar".

Erlazionatuak

Aita Menniko bigarren agerraldia "ekidin zitekeela" salatu du ELAk

Arrasate

Ospitaleak atzo jakinarazi zuen psikiatria legaleko unitatean positibo berriak atzeman zituztela eguaztenean. Zehazki sei dira kutsatuta dauden ego...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.