PCR proba egitera deitu dituzte 13 eta 40 urte arteko arrasatearrak

Uxue Igarza Loiola 2020ko aza. 17a, 13:20

Bihar hasita, egubakoitzera arte egingo dira probak Debagoieneko ospitaleko Kanpo Kontsulten eraikineko beheko solairuan. Horretarako, aurrez hitzordua eskatu beharko da 943 03 52 50 edo 900 20 30 50 zenbakietara deituta.

Gaur 16:00etatik aurrera hartu ahalko da txanda Arrasateko osasun zentrora (943 03 52 50) edo osasun-aholkularitzara daituta (900 20 30 50). Behaketa hilaren 18tik 20ra egingo da Kanpo Kontsulten eraikineko beheko solairuan, 15:30etatik 20:00ak arte. Ondoren, emaitza guztiak SMS bidez bidaliko dituzte.

Ikasleak, ikastetxeetatik

Osasun Sailak azpimarratu du ikasleek ez dutela hitzordua eskatu behar; izan ere, ikastetxeetako zuzendaritza-taldeen bidez eskatuko da txanda.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak