EH Bilduk egindako proposamenetik abiatuz, Hirigintzako batzordean, udalbatza osatzen duten alderdi politiko guztien (EAJ, EH BILDU, PSE, Elkarrekin Arrasate) baiezkoarekin onartu da oinezkoentzako espazio berriak mugatzeko lanak burutzea.
Arrasatek deseskaladarako propio hiru kale egokituko ditu. Joan den zapatutik, herritarrak bide publikora joan daitezke ibilaldiak edo ariketa fisikoa egitera, eta maiatzaren 11tik aurrera, are gehiago zabalduko da neurri hori. Horren aurrean, EH Bilduk egindako proposamenetik abiatuz, Hirigintzako batzordean alderdi politiko guztien baiezkoarekin onartu da oinezkoentzako espazio berriak mugatzeko lanak burutzea, arrasatearrei segurtasun-distantziak mantentzea errazteko.
Behin-behineko neurria
Neurria behin-behinekoa da, eta oinezkoen kopuru handiena dabilen eremuetan aplikatuko da, pilaketa handiagoko eremuetan. Hala, maiatzaren 9tik, zapatutik aurrera, deseskalatzeak irauten duen bitartean aprikatuko dira eremu hauetan:
- Garibai Etorbidean, gaur egun soilik autobusak igarotzen diren eremuan, izkina egiten duen frutadendatik Mahalako biribilgunerarte, oinezkoentzat eta motorgabeko ibilgailuentzat soilik irekita egongo da.
- San Vicente Ferrer kalean, erreka izkinatik Mahalako biribilgunerarte doan eremua oinezkoentzat eta motorgabeko ibilgailuentzat soilik irekita egongo da.
- Gipuzkoa Etorbidean, Ertzaintzako eraikinetik Gelmako biribilgunerarte, oinezkoentzat eta motorgabeko ibilgailuentzat soilik irekita egongo da.
