Biteri plazan hasi eta herriko kaleetan barrena ozen entzun dira danbor eta barril doinuak. Zortzi konpainiaz osatutakoa izan da aurtengo danborrada: bost konpainia danbor-jole eta beste hiru barril-joleak. Eta, horien artean, estrainakoz, Arrasateko Herri Eskolako Guraso Elkarteak sortu duen konpainia ere atera da kaleetan barena danborrak gogor astintzen: Herrikoia. SUDC elkarteak izan du danborrada antolatzeko ardura.