Mondragoetarrez gain, inguruko herrietatik ere jende asko hurbildu zen Arrasatera, Izaroren ahots bereziaz gozatzeko prest, eta herriko plaza aise bete zen.
Berbaldi luzerik gabe, abesti gehienei sarrera laburra eman zien abeslariak. Hala ere, publikoaren parte-hartzea ere bilatu zuen hainbatetan, batez ere, koruak egiteko. Oholtzan Izarorekin batera, Oriol Flores, Iker Lauroba, Julen Barandiaran eta Garazi Esnaola musikariak egon ziren.
Hurrengo kontzertuak
Udan atsedenaldi bat hartuko dutela azaldu zuen Izarok, hala ere, Donostiako Jazzaldian eta Eskoriatzan joko dutela aurreratu zuen. Uztailaren 27an egongo dira Eskoriatzan, Errekan Gora musika jaialdiaren baitan. 20:30ean izango da kontzertua, Zaldibar plazan.