Adin guztietako eskalatzaileak erakarri ditu Street Boulder txapelketak. Eta, besteak beste, aurtengoan izan da berrikuntzarik: taldetan banaturik dihardute parte hartzaileek, zenbakituriko hormak goraino igo guran –udaletxeko aterpea, eliza azpiko pareta...–.
Tartean, nesken parte hartzearen gorakada azpimarratu dute antolatzaileek –herriko txosna batzordea da ekintzaren bultzatzaile–: "Goraka doa eskaladaren bueltan diharduen emakume kopurua; gaurkoa, horren adierazle. Pozgarria da hori". Gainera, herritar ugari gerturatu dira ikuskizunaz gozatzera.
