Arrasateko etxez etxeko langileek atzeratu egin dute grebaren hasiera

Mirari Altube Arrese 2018ko eka. 9a, 10:09

Arrasateko Ute Clece Zaintzen enpresako langileek ekainaren 19a arte atzeratzea erabaki dute iragarrita zeukaten greba mugagabearen hasiera "negoziazioei bidea eman asmoz eta negoziaketak izandako azken mugimenduak ikusita".

Ekainaren hasierarako iragarri bazuten ere greba, hilaren 19a arte atzeratu egingo dute "negoziaketei bidea zabaltzeko". Era berean, eskerrak eman gura izan dizkiete erabiltzaileei: "Arrasateko herritar orori eta batez ere, gure aitona-amonei eta familiarrei eskerrik beroenak adierazi nahi dizkiegu gure lan baldintzen auzian egunero erakusten diguten babes eta elkartasunagatik". Eta eskaera ere egin dute: "Enpresari eta Udalari beharrezko erantzukizunez jokatzeko eskatu nahi diegu berriz ere".