Jarraian, Martiarenak komunikabideetara bidali duen oharra osorik:
"Joan zen egubakoitzean, gaueko hamabiak inguruan, lana bukatu eta nire lankidea eta biok tabernatik irtetera gindoazela, atea zabaltzean, hiru pertsona ikusi genituen aurpegia estalita zutela. Lurrean botata trapuzko bi panpina, eskuetan pankarta bat zuten eta lurrean kaxa baten pinturaz betetako kristalezko botila batzuk.
Momentu horretan atea ixteko aukera ematea eskatu nien, batek inolako trabarik jarri barik baietz esan zidan, baina ixten hasi eta berehala hasi ziren pinturaz betetako botilak botatzen. Goitik behera zikindu ninduten, atetik giltza atera eta berehala alde egin genuen handik.
Nire asmoa hau guztia argitzea besterik ez da, ez nagoelako konforme komunikabideetan irakurritakoaz".
