Alecop-ek irailaren 21ean ospatuko du 50. urteurrena

Alecop-en egoitza nagusia, Arrasaten.

Jose Maria Arizmendiarrietak 50eko hamarkada hasieran sortu zuen Alecop kooperatibak 50 urteak ospatuko ditu irailaren 21ean.

Ekitaldia Garaia gunean izango da, Udalaitz auditoriumean, 13:00etan. Ospakizunean Eusko Jaurlaritzako ordezkariek eta Mondragoneko presidente Iñigo Uzinek parte hartuko dute. Bertan, Alecop-en historiaren atzera begirakoaz hasi eta jarraian ALECOP, 50 urte: Ikasteko lana egin – Ikasi lan egiteko”hitzaldia egingo du Eugenio Astigarragak, Mondragon Unibertsitateko Humanitate eta Hezkuntza Zientzien Fakultatean (HUHEZI) Hezkuntzan doktore denak.

150 enpresarekin elkarlana

Alor akademikoan dihardu Alecop-ek, ingurune akademikoa eta lanarena elkartuz, ikasleen enpresekiko benetako harremanak ahalbidetuz eta ikasketek dakarten gastua ordaindu ahal izateko diru sarrera bermatuz. Gaur egun, 150 enpresa ingururekin egiten du lan, horietatik 120, kooperatibak. Urtean 250 ikaslek parte hartzen dute Alecop-en; bere ibilbide osoan, 13.000 lagun izan dira Alecop-eko partaide. Kooperatibak hitzarmenak ditu MUrekin eta Lanbide Heziketako ikastetxeekin.

Gaur egun, lan-ikaste partekatze modeloarekin jarraitzeaz gain, Alecop-en formazio zerbitzuak zabalagoak dira: MEIren (Mondragon Educación Internacional) bitartez hezkuntza ikastetxeen kudeaketa darama atzerrian, aurrefabrikatutako instalazio elektrikoak ekoizten ditu eta ekipamendu didaktikoaren diseinua eta fabrikazioa garatzen ditu.

Erlazionatuak

Alecopek 50. urtemugaren aurrerapen gisara, irudi berria dauka

Arrasate

Talde osoaren batasuna erakutsi eta zuzen eta pragmatikoa izan gura du irudi berriak. Mondragon Korporazioaren baitako enpresa taldea da Alecop eta...
Munduko sei hezkuntza erakunde Mondragon Educacion Internacionalen esku

Debagoiena

Mondragon Unibertsitatea, Mondragon Korporazioa eta Alecop lan-kooperatiba aritu dira elkarlanean proiektu berriari ekiteko; xedea dute mundu maila...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.