Malen Ruiz de Azuaren saltoa erabakigarri Bidasoa mailaz igotzeko

Xabier Urtzelai 2016ko eka. 16a, 16:39

Orain arteko Malen Ruiz de Azuaren saltorik onena, Burgosen (4,22); Espainiako historiako bosgarrena onena. | j.perez

Gainean daude aire libreko denboraldiko hitzordurik garrantzitsuenak, eta, Arrasateko atletak geroago eta finago daude –San Juanetan izango dituzte Espainiako Txapelketak–. Malen Ruiz de Azua da adibideetako bat, joan den asteburuan Burgosen 4,22 metroko saltoa egin zuen –marka pertsonala–. Aste barruan, baina, Arrasateko atletek haserrea erakutsi dute, Jonathan Perez entrenatzailearen ahotik. Eta horrek hainbat erreakzio sortu ditu.

Kirol arloari dagokionez, Malen Ruiz de Azuak Burgosen egindako marka erabakigarria izan zen haren talde Irungo Bidasoa Ohorezko mailara igo dadin. Txapelketako protagonista bilakatu zen arrasatearra. 4,27ko markarekin ahalegindu zen, eta listoia 4,22 metrotan gainditzea lortu zuen, estatuko urteko markarik onena ezarrita, eta Espainiako marken artean historiako bosgarren onena –aire librean–.

Kluben arteko txapelketan

Istar Dapena eta Iñigo Uribarren, berriz, Castellón egon ziren Kluben Arteko Txapelketan; Dapena hirugarren sailkatu zen (5 metro) pertika saltoan, eta Maialen Axpe bigarren izan zen (4 metro); Salto hirukoitzean, berriz, Iñigo Uribarren bigarren izan zen. Madrilen, berriz, 100 metrotan Ibai Fernandez zazpigarren izan zen (11.28).