Arizmendiarrietaren gaineko erakusketaz gozatzeko azken egunak

Arrasateko San Juan Bataiatzailearen parrokian dago jarrita On Jose Maria Arizmendiarrietaren gaineko erakusketa, haren jaiotzaren 100. urteurrenaren harira jarri dena. Erakusketa bisitatu ez duenak maiatzaren 11ra arte izango du horretarako aukera, astelehenetik egubakoitzera, 10:00etatik 12:00etara eta 16:00etatik 18:00etara. Ordu horietan abadearen gainean egindako ikus-entzunezkoa ikusteko aukera ere egongo da.