Desbideraketei dagokienez, kanpoko ibilgailuei gomendatzen zaie saihesbideak erabiltzeko. Aretxabaleta, Elorrio zein Bergaratik datozenei, Arrasateranzko edozein guneetarako egin beharreko mugimenduetarako saihesbidea erabiltzea gomendatzen zaie, eta Gesalibar-Garagartza edota Uribarri-Erguin guneetara badoaz Olandixoko tuneletik jarraitzea, herri barruko kaleak ahalik eta gutxien erabiliz: "Mugimendu horiek guztiak gutxituz gero, Uribarri eta San Andresen arteko lotura Loramendi eta Uribe kaletik barrena egiteak ez luke inolako arazorik ekarri behar", diote Udaletik.
Barruko mugimenduak gutxitu
Udala plazako (Iker moduan ezaguna) biribilgunetik San Andresera joateko, esaterako, Uribe auzoaren atzealdetik sar daiteke, eta Mondragon Unibertsitatetik irten. Kontrako noranzkoan ere egin daiteke hori da, San Andrestik Munarrera sar daiteke leku berberetik. Hala ere, Udalaren asmoa da barruko mugimenduak ahalik eta gehien gutxitzea, beste mugikortasun eredu bat sustatuz eta arrasatearren ongizatea hobetzen saiatuz: "Helburua litzateke estresa, kutsadura atmosferikoak, eta ibilgailu motordunen erabilera masiboak sortzen dituzten gaixotasun eta gainontzeko kalte guztiak ahalik eta gehien murriztea".
