Arrasate Zientzia Elkarteak gonbidatuta, euskal abizenen sorreraren gainean egin du berba Euskaltzaindiako Onomastika Batzordeko idazkari Mikel Gorrotxategik. Kulturateko areto nagusia bete egin da adituaren azalpenak entzuteko; izan ere, Euskal Herriko deituren gainean gehien dakienetako bat da Gorrotxategi: "Euskal Herrian inon baino deitura gehiago daukagu. Horrek badu balio inportante bat kultura aldetik baina tamalez, hainbat deituren desagerpena ere eragin du horrek".
Deitura asko izateak batzuen desagerpena eragitearena honela azaldu du adituak: "Oso urriak diren deiturak belaunaldi gutxitan desagertu egingo dira. Mañarikua, adibidez. 64 daude Euskal Herri osoan; bada, hiru belaunalditan ia desagertu egingo dira. Aldiz, oso ugariak diren deiturak, ugaritzen joango dira. Beraz, gero eta Agirre, Etxebarria gehiago eta baita Gartzia eta Hernandez gehiago ere". Gartzia abizena euskalduna dela aipatu du Gorrotxategik bitxikeria moduan.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
