Babarrunik goxoenak, Danok Bat elkartekoak

Hamar babarrun lapikoren artean onenak gaur, Danok Bat elkartean egindakoak. Hala iruditu eta hala ebatzi du epaimahaiak. "Beste guztien artean onenak izan dira" esan du epaimahaiak. "Lehenengoen eta bigarrengoen artean egon da lehia" gaineratu du. Hilabetero Seber Altuben egiten den baserriko produktuen azokan egin dute gaur babarrun lehiaketa, lehenengoz gainera. Jardunaldi gastronomikoen baitan antolatutako ekimenak, Deba Garaia Landa Garapenerako elkartea, Debagoieneko Turismo Bulegoa eta Arrasateko Udala izan ditu bultzatzaile.

Hilabetero Seber Altuben egiten den baserriko produktuen azoka ezohiko lehiaketa baten lekuko izan da gaur: izan ere, lehenengoz egin dute han elkarte gastronomikoen arteko babarrun lehiaketa. Jardunaldi gastronomikoen baitan antolatutako ekimenak, Deba Garaia Landa Garapenerako elkartea, Debagoieneko Turismo Bulegoa eta Arrasateko Udala izan ditu bultzatzaile. Lehiaketan parte hartu duten elkarteak izan dira, Alkartu, Hamaika Gazte, Ziorla, Danok Bat, Meatzerreka, Casino, Bidegain, Udalpe, Txalaparta eta SUDC.

Ikutixo baserriko babarrunak erabili dituzte sukaldean. Guztira 25 kilo, eta goxoenak, Danok Bat elkarteko Juan Luis Lasak eta Roberto Zazok egindakoak izan dira. Hala ebatzi du Hilarion jatetxeko Gabino Yarzak, Santa Anako Iñaki Pildainek eta baserritarren azokan euren produktuak saltzen egoten diren Eduardo Valeronek eta Juan Mari Zuazubizkarrek osatutako epaimahaiak. "Hartu ditugu kontutan hainbat gauza: itxura, azala, alea, salda eta zaporea, eta onenak irabazi du" esan du Juan Mari Zuazubizkarrek. 

Goizeko hamaiketarako babarrunak gertu, Seberren egoteko agindua zuten elkarteetako kideek eta ez dute hutsik egin. Epaimahaia banaka banaka 10 lapikoak probatzen joan da eta gero eman duten erabakiaren berri. Saria emateko, Inazio Azkarragaurizar bertaratu da.

Ukitu berezia eman dio gaurko lehiaketak hilabeteroko baserritarren azokari eta herritarrek gustura hartu dute ekintza hori. Gainera, babarrunak dastatzeko aukera ere izan da; euro eta erdiren truke babarrunak jan eta ardoa edan baitute bertaratuek. AEKkoak egon dira horiek zerbitzatzen eta gaur ataratako dirua, eurendako izango da.

Erlazionatuak

'Oñati 3zirik' diskoa aurkeztu dute Antixenako gaztetxean

Oñati

Oñatiko musika talde berrien bozgorailu izatea helburu duen Oñati Bizirik egitasmoaren hirugarren atala kalean da. Aurkezpeneko argazkiak dituzue h...
Arin-arin, fandango eta beste, Oñatin

Oñati

Jose de Azpiazu Musika Eskolak udaberriko kontzertua egin zuen egubakoitzean Santa Ana Antzokian. Trikitixa eta pandero taldea, akordeoi taldea eta...
Willis Drummond, Bagauda eta EH Sukarra Oñatiko gaztelekuan

Oñati

Willis Drumond lapurtarrak, Bagauda oñatiarrak eta Eibarko EH Sukarra gustura aritu dira Oñatiko gaztelekuan eta baita haiek ikustera hurbildu dire...
Asteburuko irudiak

Debagoiena

Kiroleko irudi ikusgarriak ez ezik, kultura eta aisialdiarekin lotutako ederrak ere utzi dizkigu asteburuak. Babarrun lehiaketa Arrasaten, herriko ...
Bitter Honeyren agur festa Arrasateko gaztexean

Arrasate

Bitter Honey taldeak egin zuen emanaldia, kontzertu huts bat baino gehiago, oholtzako alde bietan batutako lagunek elkarrekin egindako jaia izan ze...
Herriko merkataritza sustatu guran, azoka, umeendako ekintzak eta gehiago Eskoriatzan

Eskoriatza

Axtroki merkatarien elkartearen eguna ospatzen dihardute gaur Eskoriatzan. Herriko merkatariek euren eskaintzak kalera atera dituzte eta horrek jen...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.