Rosi Otadui 'Katanga': "Aratusteetan ezin gara gaixotu, egun horiek kalean igaro behar dira"

Otadui 'Katanga' urtero mozorrotzen da.
Rosi Otadui irribarrea eguneroko jantzia duen horietako bat da, eta herriko Aratusteen gaineko elkarrizketa hau egiteko, etxeko ateak zabaldu eta bere argazki bilduma erakutsi digu.

Noiztik mozorrotzen zara?
Uf... Ez, ezin dizut urte jakin bat esan, baina lehen aldian 16 bat urte izango nituen, eta orain asko ditut.

Inoiz errepikatu duzu mozorroren bat?
Urte berean egun batean baino gehiagotan eroan izan dut mozorro bera, baina urte batetik bestera, inoiz ez.

Mozorro zerrenda luzea izango duzu.
Oso luzea, bikingoa, lehoi hezitzailea (txakur eta guzti), Scarlett O'Hara...

Zein da jantzi duzun mozorrorik xelebreena?
80ko hamarkadako Marta Sanchez.

Garai hartan Sanchez neska arin samarra zen?
Arropa gutxi eroan behar izan nuen, baina garai hartan ni ere arinagoa edo finagoa nintzen. Hala ere, lotsa apur bat sentitu nuen.

Playback jaialdian ere ibili zinen.
Maria Dolores Pradera, Marta Sanchez, Los Panchos, Gurrutxaga... Pertsonaia ugari egin nituen. Umorea eta alaitasuna dira festa horren sena, hor dago jai horren grazia.

Aurten ere ez duzu hutsik egingo.
Ezta pentsatu ere! Aratusteetan ezin gara gaixotu. Egun horiek kalean igarotzeko dira. Herrian algara dagoen toki gehienetan egongo naiz.

Erlazionatuak

Sardinaren hileta, Arrasateko Aratusteetako ikurra

Arrasate

Arrasateko Aratusteetako egun handiak zapatua eta martitzena dira. Aurtengo nobedade nagusia da azken urteetan zapatuan Uarkapen egin izan den herr...
Mozorrotzea gustuko?

Arrasate

Azken hamarkadetako Aratusteen bilakaera aztertu dugu gaian aditu zein aritutzt har ditzakegun hiru herritar ezagunekin: Andoni Altzelai, Iñaki Gur...
Playback jaialdi ahaztezinak

Arrasate

Musikaren eta umorearen jaialdia bederatzi urtez egin zen, eta oraindik herritar askoren oroimenean segitzen du. "Hasieran, ekitaldi bakarra egiten...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.