DOMEKA: 'Ondoko hilobiko tipoa' komedia jostagarria

Elkar ezagutzen ez duten bi protagonisten artean sua piztuko da.
Txalo Produkzioak konpainiak, Begoña Bilbao Legarzegiren zuzendaritzapean, Katarina Mazetik idatzitako Ondoko hilobiko tipoa antzezlana eskainiko du, euskarazko bertsioan, domekan, Amaia antzokian, 19:30ean.

Beti bezala, sarrerak antzokiko txartel-leihatilan erosi ahal izango dira. Nahi duenak, baina, aurreko astean aurkeztu zen home ticket zerbitzu berriari esker, www.arrasate-mondragon.net atarian txartelak erosteko aukera izateaz gain, etxean bertan jasotzeko aukera ere badu. Zerbitzu horrek, gainera, %15eko deskontua eskaintzen du.

Istorio originala

Neskatila pinpirin bat baserrian eta baserritar bat operan; horrenbestez, ezberdinak diren bi mundu elkarren alboan, maila soziokultural ezberdineko bi lagun aurrez aurre.

Aiora da protagonistetako bat eta Pablo da bestea. Liraina, goxoa eta alarguna da Aiora; eta berekoia, burugogorra eta ezkongabea Pablo.

Bi mundu ezberdin leku berean. Bata bestearen ondoan, kanposantuan. Aiora eta ondoko tipoa… Pablo. Irribarre leun bat, ordea, nahikoa izango da bi protagonisten arteko sua pizteko. "Amodioa da istorioaren muina, baina umoretik aldendu gabe", aipatu du Aitziber Garmendia aktoreak.

Bada, istorio sinple hori irudikatzeko, eszenografiak garrantzi handia dauka. "Bi pertsonaien barne unibertso eta sentipenak irudikatzeko, argiarekin jolasten dugu", azaldu du Garmendiak. Hala ere, pertsonaien sakontasuna aktoreen lan bikainari esker igartzen da.

Gertuko aurpegiak

Ezagunak diren bi aktore izango dira taula gainean: Iker Galartza eta Aitziber Garmendia. "Iker komedian primeran moldatzen da", dio Garmendiak. Bere ibilbidean zehar egindako lanak ikusita, baita Garmendia bera ere.

Istorio horretako bi pertsonaien arteko suak ze tenperatura hartuko du?

Erlazionatuak

DOMEKA: Goi mailako bertsolaritzaz gozatzeko hainbat aukera egunotan gurean

Bergara Eskoriatza

Otsailaren 9an, domekan, bertso saioa izango da Bergarako pilotalekuan, 18:00etan, Bergarako Libre plataformak antolatuta. Honako bertsolariak izan...
BARIKUA: Balerdi Balerdi taldearen abesti ezagun eta ez horren ezagunak Espaloian

Elgeta

Bide Ertzean taldeak ere joko du gaurko emanaldian, 22:30ean hasita.
ASTEBURUAN: 'Asier ETA biok' filma emango dute Arkupen

Aretxabaleta

Aitor Merino eta haren arreba Amaia Merino donostiarrek zuzendutako dokumentala da 'Asier ETA biok' (93 minutu).

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.