"Deportivo Alavesek eta Elene Errastik euren bideak bereizi dituzte, hazkunde partekatuko, konpromisoko eta dedikazioko bost denboraldiren ondoren", adierazi dute taldetik.
Arizmendi kirol elkarteko taldean hasi zen Errasti eta 16 urte zituela Gasteizko Aurrera taldera joan zen. 2021-2022 denboraldian iritsi zen Ibaiara, Alaves Gloriosas B taldera, Alavesen filialean jokatzeko eta futbol prestakuntzarekin jarraitzeko. Handik urtebetera lehen taldera egin zuen salto "bere lanari, konstantziari eta bilakaerari esker", eta hala, maila gorenean egin zuen debuta.
Lehen Mailan debutatu ostean taldearen jaitsiera bizitzea ere tokatu zitzaion; 2023-2026 artean egon da bigarren mailan. Aurten, baina, talde urdin-zuria F Ligara igo da berriro.
Deportivo Alavesek eskerrak eman gura izan dizkio Errastiri urte hauetan guztietan izandako "dedikazio, entrega eta konpromisoagatik".