Iaz legez, 115 kilometroko ibilbidea egingo dute, eta 12:45 inguruan, Duranan bertan helmugaratuko dira. Ibilbideari dagokionez ez dute aldaketarik egin iaztik; bi bider igoko dute Gatzagako mendatea –bigarren mailako mendatea–.
Manolo Zubillaga gogoan
Iazko abenduan hil zen Manolo Zubillaga izango dute gogoan aurten. UDAko kide izandakoa, urte askoan jardun zuen andramaixetako txirrindulari lasterketa antolatzen eta egindako lana eskertu gura diote. "Herri-mailan txirrindularitzari eta esku pilotari hainbeste eman dion gizonari merezitako aitortza egingo zaio; eta hemendik aurrera haren izena eramango du Aretxabaletako txirrindulari probak", zioen Ibai Zangitu zinegotziak jaietako egitarauaren aurkezpenean. 