13 eta 40 urte bitarteko Aretxabaletako bizilagunekin batera, Eskoriatzakoak eta Leintz Gatzagakoak ere deitu dituzte PCR probak egitera. Horretarako egitura Basotxoko eraikinean jarriko dute bihar, eguena, eta egubakoitzean, eta probak egingo dituzte 15:30etik 20:00etara. Hitzordua hartu behar da aurrez Aretxabaletako osasun zentrora deituta (943 71 19 59); gaurtik (16:00) dei egin daiteke horretarako. Eskoriatzako kasuan, aldiz, bertako osasun etxera deitu behar dute (943 71 44 52).
PCR lagina hartu nahi duten udalerriko ikastetxeetako ikasleek ez dute hitzordua eskatu behar. Hitzordua ikastetxeetako zuzendaritza taldeekin antolatuko baita. Emaitza guztiak SMS bidez bidaliko dira.
