Kolpe gogorra izan zen Aretxabaletako herriarendako, eta euskal mendizaletasunarendako. Handik urtebetera, Felix gogoan izateko, eta Baltistango Hushe bailarako komunitateetan bizi diren pertsonen giza garapena sustatzeko Felix Baltistan fundazioa sortu zuten.
Hamabigarren zortzimilakoa
Mendiarekiko zaletasuna gazte-gaztetatik sortu zitzaien bi anaiei. 1986 eta 1987 artean artean Alpeetara jo zuten eta gero, Yosemite Parke Nazionala izan zen hurrengo deskubrimendua anaientzat, 1989an. Ondoren, Himalaia aldera egin zuten azkenik, eta 1990ean igo ziren Pumori tontorrera (7.161 m).
Haren ostean zortzimilakoak iritsi ziren. 1991 eta 2000 artean hamabi igo zituzten:
- 1991: Makalu (8.465 m).
- 1992: Everest (8.848 m).
- 1994: K2 edo Chogori (8.611 m).
- 1995: Cho Oyu (8.201 m) eta Lhotse (8.516 m).
- 1996: Kanchenjunga (8.586 m), Nepal eta Shisha Pangma (8.046 m), Tibet.
- 1997: Broad Peak (8.047 m), Pakistan.
- 1998: Dhaulagiri (8.167 m), Nepal.
- 1999: Nanga Parbat (8.125 m), Pakistan.
- 2000: Manaslu (8.163 m) eta Gasherbrum II (8.035 m).
Felix hil ostean, Albertok beste bi zortzimilako igo zituen:
- 2001:Gasherbrum I (8.068 m), Txina-Pakistan.
- 2002: Annapurna (8.091 m), Nepal.
Felix gogoan
Eskoriatzako Karmelo Oñate marrazkilari eta ilustratzaileak Felix Iñurrategiren omenez egindako marrazkiarekin izan du gogoan mendizale aretxabaletarra heriotzaren 20. urteurrenean.
