Lleidako unibertsitateko ikertzaile Jordi Coiduras eta Meritxell Moreras adituak izan dira Aretxabaletan. Izan ere, Lleidako unibertsitatean lehenengo hezkuntza gradua eredu dualean garatzen ari dira.
Hezkuntza eraldatzailea
MUko irakasle eta ikertzaile Idurre Alonsok azaldu du eredu horrek balio izan diela "lanlekuetatik ikasteko lanbidea". Alonsok gaineratu du hezkuntza eraldatzailea izatea nahi bada, nolako irakasleak behar ditugun pentsatu behar dela. Eta, hori, hezkuntza komunitatea osatzen duten agente guztien artean egin behar dela.
Errealitatearekin lotuago
Lleidako unibertsitateko irakasle eta ikertzaile Jorde Coidurak nabarmendu du unibertsitateak errealitatearekin lotuago egin behar duela lan, eta eredu dualak errealitatearekin konektatzeko balio izan diela. Bigarren hezkuntzan irakasleek ze erronka dituzten azaldu du Coidurak: "Nire ustez, bigarren hezkuntzako erronka izan behar da errealitate horietara gehiago hurbiltzea, eta gaitasunetan oinarritutako hezkuntza egitea. Ikasleek eta familiek errealitatearekin lotura duen formazio moduan bizi behar dute; egunero bizi dutenarekin erlazioa duen formazioa izan behar da eurendako".
