Transexualitateaz agertokian, umorea eta irudimena bidelagun

'Lur'-en aktore taldea Arkupeko lehen emanaldian, antzezlanaren amaieran.

Kepa Errasti aretxabaletarrak idatzitako Lur antzezlanak txalo zaparrada beroa eragin du amaieran, eta ez zen gutxiagorako. Aktore guztien goi mailako antzezpenaz harago, transexualitatea naturaltasun osoz eta maisuki helarazten du obrak. Erabat gomendagarria den antzezlana, bereziki familian ikusteko.

Errastik etxean estreinatu du Lur, Aretxabaletako Arkupen, eta bi emanaldietan sarrera guztiak agortu dira; 198 lagun pasatu dira, beraz. Kepa Errastik idatzitako eta Getari Etxegaraik zuzendutako antzezlanak erantzun ezin hobea izan du Aretxabaletan ere. Errastik familian etortzea gomendatzen du bereziki: "Barre egiteaz gain, hausnarketa eragiten duela esango nuke. Gero umeak gurasoekin berba egin dezala etxean obran gertatzen diren kontuez".

Umorea, irudimena eta mezua

Izan ere, umorea eta irudimena ezinbesteko osagaiak dira Lur-en baina harago joanda, oso modu naturalean helarazten du transexualitatearen eta norbera den moduan onartzearen gaia. Bere potota edo alua maite duen mutila da Ane [Erika Olaizola], eta hasieratik hala aurkezten du bere burua; Aneren aita Jonek [Kepa Errasti] du hori horrela dela onartzeko arazoa. Aitona Julianek [Mikel Laskurain] eta hilda dagoen –baina Anerekin komunikatu ahal den– ama Itsasok [Nerea Gorriti] Ane den modukoa maite dute eta saiatuko dira aita konbentzitzen.

Hurrengo emanaldiak

Aurten beste bi aukera egongo dira Lur antzezlana ikusteko: azaroaren 1ean Azpeitian eta abenduaren 26an Donostian.

Erlazionatuak

Onarpenaren gaineko kontuak 'Lur'-en eskutik

Aretxabaleta

Kepa Errasti aretxabaletarrak idatzi eta Getari Etxegaraik zuzendutako 'Lur' antzezlana dator domekan, hilaren 14an, Arkupera, Antzerki Hilabeteare...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.