Berdinketa UDArendako, jokalari bat gutxiagorekin bukatu duen partiduan

Oiartzun aurreratu da partidua hasi orduko baina etxekoek laster berdindu dute. 70 minutuan, ostera, hamar jokalarirekin geratu dira aretxabaletarrak. "Akats inozoak egiten ditugu eta garesti ordaintzen dugu. Laugarren aldiz geratu gara jokalari bat gutxiagorekin, eta, horrela zaila da partiduak bideratzea", esan du bukaeran Iñigo Velez de Mendizabal entrenatzaileak.

UDAk partidu ona jokatu du Oiartzunen kontra. Markagailuan atzetik ibili arren, aukera garbiak eginda eta baloia menderatuta, itxura ona eman du. Gai izan da berdinketa lortzeko. Baina, lerroak aurreratu eta bigarrenaren bila irten denean, Oiartzunen kontraeraso baten, jokalari bat gutxiagorekin geratu da. "Merezitako txartela izan da. Baina, bigarrena zen eta hori ere kontuan hartu behar du jokalariak", esan du entrenatzaileak. 70. minutua zen. Velez de Mendizabalek, gainera, ezin izan du zuzendu partidua txartel gorria zuelako aurretik; haren lanak Gordoa laguntzaileak bete ditu.

Handik aurrera, UDAk ez du amore eman, eta, atzeko lerroak ondo gordeta, sikiera berdinketa mantentzeko, erasora begira ipini da. Baina, ez du zorterik izan.

Prietori omenaldia

Partidua hasi aurretik, omenaldi xumea egin diote Hector Prieto zenari. UDAko jarraitzaile sutsua gogoan izan dute. Haren gurasoei eta anaiari HECTOR izena duen kamiseta eman diote. Ostean, minutu bateko isilunea gorde dute. 

 

Erlazionatuak

Talde-lanean oinarritutako garaipena Mondrarendako: 1-0

Arrasate

Amaikak Baten kontrako partidua oso borrokatua izan da. Lehen zatian Mondra izan da hobea, baina ez du golik sartu. Bigarrenean, Debako taldea izan...
Bergara lider sendoagoa da, Tolosari irabazi ostean: 3-0

Bergara

Mahoneroen bolada onak ez du etenik. Berdin zaie noren kontra jokatu. Buruz jokatzen dute eta gustura, gainera. Eta, hori guztia antzeman egiten da...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.