Udal eta Foru hauteskundeak 2015

Aretxabaletako EAJ: "Orain ospatzeko garaia da"

Ubane Madera 2015ko mai. 25a, 01:10
Aretxabaletako udalbatza, 2015.

Aretxabaletako datuak: EAJ: 1.616 (6 zinegotzi); EH Bildu (5 zinegotzi: 1.381; Irabazi (zinegotzi 1): 287; PSE-EE (zinegotzi 1): 262; zuriak 57; baliogabeak 50. EAJk dio "oso salto handia" izan dela. Eta EH Bilduk, berriz, ez zutela "horrelako emaitzarik" espero.

Unai Elkoro (EAJ): "Pozik, arduratuta apur bat ez genuelako espero halako aldaketa, baina gustura, bai. Lanerako gertu gaude. Bi zinegotzitik seira pasatzea oso salto handia da guretzat. Lanerako prest gentozen baina sorpresa handia hartu dugu. Hainbesterainokoa guk ere ez genuen espero. Esperientziadun jendea dago taldean eta laguntza handia izango da. Orain ospatzeko garaia da".  

Xabier Igartua (EH Bildu ):"Ez genuen espero horrelako emaitzarik. Zazpi zinegotzi lortzea ez zen oso emaitza ona izango, eta hortik beherako ez genuen espero. Kiroltasunez hartu behar, eta oposiziora".

Luis Mariano Gomez (Irabazi): "Oso pozik gaude; ordezkaritza lortu dugu, herritarrek konfiantza eman digute eta orain izango dugu aukera erakusteko bete egingo dugula esana. Eskerrik asko konfiantzarengatik".

Miren Lorea Lana (PSE-EE): "Oso pozik nago, eskerrak eman gura dizkiet niri konfiantza eman didaten aretxabaletarrei. Bihotz-bihotzetik lan egin behar dut Aretxabaletaren alde".

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak