Orain dela lau urte Bilduk lortu zuen boto kopuru handiena, 1.513, eta zazpi zinegotzi. Haren atzetik geratu ziren Aralar, 786 boto eta hiru zinegotzi; EAJ, 630 boto eta bi zinegotzi; eta PSE-EE, 262 boto eta zinegotzi bakarra. Hamahiru zinegotzi horiek osatu dute udalbatza.
Orain dela lau urteko joera betez gero EH Bilduk eskuratuko ditu boto gehien, beste arrazoi batzuen artean sekula baino batuago dagoelako ezker abertzalearen botoa. Hala ere, gobernuan egoteak beti dakar desgastea eta baliteke aldaketaren aldeko hautua egitea hainbatek. Azken hitza, baina, herritarrek emandako botoek dute.
