Laranjaz jantzi dute frontoia herri bazkarian

Ia 500 lagun elkartu dira gaur Aretxabaletako frontoiko herri bazkarian. Kanpoan zen eguraldi eta giro ona tarteko, koadrila askori kosta egin zaio mahaietan esertzea, eta aurreikusi baino beranduago hasi da bazkaria. Dena den, guztiek izan dute aukera festekin jarraitzeko indarrak biltzeko. Gainera, festa giroa laranjaz tindatu dute frontoian jarritako pankarta zein globoekin eta lepoko zapiekin, Espainiako Audientzia Nazionalean epaitzen ari diren 28 gazteen omenez.