Badira 50 urte Aramaioko jaietan azkenengoz danborrada egin zutenetik, eta hori berreskuratuko dute aurten, jaietako astelehenean. Parte hartu nahi dutenek izena eman behar dute, udal webguneko formularioa beteta, apirilaren 7a baino lehen. Eta informazio gehiago nahi dutenek helbide honetara idatz dezakete: aramaiohezkuntza@gmail.com.
Bilera, eguaztenean
Bihar, martxoak 25, elkartuko da berriro danborrada martxan jartzeko lan-taldea udaletxeko osoko bilkuren aretoan, 17:00etan.
Jaietako kartel lehiaketa, martxan
Bestetik, jaiak iragartzeko kartel lehiaketa ere martxan dago. Uztailaren 3tik 6ra arte ospatuko dira Aramaioko San Martin jaiak, eta, Aramaioko Udalak urteroko kartel lehiaketa antolatu du.
Edozein pertsonak har dezake parte eta bakoitzak gehienez bi kartel aurkeztu ahal izango ditu. Lan guztiak jatorrizkoak izan beharko dira eta ondorengo testua jaso beharko du: San Martin Jaiak 2026 – Uztailak 3, 4, 5 eta 6.
Apirilaren 16ra arte aurkeztu ahal izango dira udaletxean edota itxasokultura@gorbeialdea.eus-era bidalita.