Eskultura bera eta hura berritzeko prozesua izan zen berbagai nagusia, betiere musikari elizkoiaren eraginetik hasita. Sarriugarteren arabera, erreferente bat izan zelako Goikoetxea.
Goikoetxearen eskulturaren hainbat esku hartze izan dira: material biologikoa ezabatu zaio, zikinkeria eta pintadak kendu, sudur bolumena eta belarriak berriro integratu zaizkio, arrakalak eta pitzadurak zigilatu zaio, hidrofugatu egin da… Denetarik egin zaio.
Hala ere, artelana berritzeko prozesuak zenbait gorabehera izan ditu. 2015ean, ezezagun batzuek aurpegia margotu eta sudurra hautsi zioten eta 2016an erabat zaharberritu zuten; betiere, 1955ean eskultura egin zuen Lorenzo Askasibar eskulturgile finaren ezinbesteko laguntzaz. Hala ere, eskultura berritua inauguratu eta egun gutxira sudurra apurtu zioten. Aramaioko Udalak irmoki salatu zuen erasoa eta Arabako zaharberritze zerbitzukoek berriro konpondu behar izan zuten.
Eskulturaren egile Lorenzo Askasibar gertutik ezagutu eta haren gaineko liburua egin zuen Migel Angel Elkoroberezibarrek azpimarratu zuen iaz hildako artistak Aramaion hasi zuela, hein handi baten, bere ibilbidea.
1955ean Askasibarrek egin zuen eskulturak lehen urteetan beste kokapen bat izan bazuen ere, aspalditik dago San Martin eskola azpiko parkean, eta bertan jarraituko du aurrerantzean.
