Xabi Igoa aramaioarra Arabako Bertso Txapelketako bigarren finalaurrekoan irabazle

Igandean Zigoitian izan zen Arabako Bertso Txapelketako bigarren finalaurrekoa eta Aramaioko Xabi Igoak lortu zuen puntuazio altuena.

Otsailaren 5ean Langraizen hasi zen Arabako Bertsolari Txapelketa eta igande arratsaldean Zigoitian jokatu zen txapelketako bigarren finalaurrekoa. Arabako bertso eskolen sarea irudikatu nahi duen amarauna eszenatokian zela, Andere Arriolabengoa, Iker Agirre eta Xabi Igoa aramaioarrak, Iñaki Viñaspre, Jagoba Apaolaza eta Serapio Lopezekin batera lehiatu ziren finalaurrekoan. Bertsolariek hamairu bertso puntuagarri kantatu zituzten eta Xabi Igoak irabazi zuen 239 punturekin, Iñaki Viñaspreren aurretik. Bigarren itzulian Laudion abestuko du Xabi Igoak martxoaren 12an.

1992an jaioa, Igoaren seigarren partaidetza da Arabako Bertsolari Txapelketan eta 2015an finalean egotea lortu zuen. 2010an Kuadrila arteko txapelketan irabazle suertatu zen Aramaioko taldearekin eta 2015etik Arabako Bertsozale Elkarteko komunikazio arduraduna da.

 

Erlazionatuak

Sei aramaioar ariko dira Arabako 2017ko Bertsolari Txapelketan

Aramaio

Urtarrilean hasiko den 2017ko Arabako Bertsolari Txapelketako bertsolari zerrenda definituta geratu da. 18 bertsolari arituko dira: 2015ko 5 finali...
Arabako bertsolari txapelketa hasteko prest

Aramaio

Zapatuan egin zuten aurkezpen ekitaldia Laudion, duela 35 urte Arabako Bertso Eskolaren lehen urratsak hartu zituen 'El Tunel' tabernan. Otsailetik...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.