Trekutz parke eolikoari eginiko alegazio teknikoak aurkeztuko ditu Udalak

Amaia Ramirez de Okariz Kortabarria 2024ko urtarrilaren 15a

Meaka-Irimo herri plataforma Trekutz parke eolikoak okupatuko lukeen espazioa markatzen aritu da.

Antzuolako Udalak, Urretxuko Udalarekin elkarlanean, Valentin Ibarra geologoa kontratatu du Trekutz parke eolikoa proiektuari alegazio teknikoak jartzeko, eta azalpenak emango ditu urtarrilaren 18an, eguenean, 18:00etan, Torresoroan.

Alegazioen txostena aurkeztuko du, eta, horretarako, alboan izango du Javier Alday industria-ingeniari elektrikoa ere, euskarazko azalpenak ematen.

Hain justu, urtarrilaren 30ean, martitzena, izango da Cilda Energy SLU enpresaren proiektuari alegazioak aurkezteko azken eguna.

Plataforma ere martxan

Udala ez ezik, Meaka-Irimo herri plataforma ere martxan da parke eolikoaren aurka. Abenduaren 31n, esate baterako, Irimon eolikorik ez lelopean, dozenaka herritar batu ziren Irimon. Horrez gain, alegazioen txosten bat ontzen aritu da, herritarrek sina dezaten; kalean izan dira zenbait egunetan, baina era digitalean ere egin daiteke. Bada, hemen da horretarako aukera.

Ingurumena Antzuola

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.

Harpidetza aukera guztiak