Gaur egun hiru planta ditu Errekak Debagoienean: Antzuolan bat eta beste bi Bergaran. Sorrera, ordea, Bergarako Masterreka kalean izan zuen 1961. urtean. Torlojuen eskaria zegoela ikusita, Inaxio Aristik, Julian Alberdik, Asensio Azkaratek eta Lucio Agirrezabalek behar horri erantzuteko pausoa ematea erabaki zuten.
Urte batzuk geroago iritsi ziren Antzuolara eta Bergaran dituzten bi fabriketara. Torlojuekin hasi ziren, eta gaur egun, autoentzako osagaiak eta ate automatikoak ere egiten dituzte. Hain zuzen, enpresako kideek diote dibertsifikazioa dela Erreka definitzeko elementu nagusia.
Debagoienatik kanpora bideratzen dute euren produkzio lana. Torlojugintzan eta plastikogintzan produkzioaren %80 esportatzen dute, eta ate automatikoen negozioaren kasuan, gehiena nazionala da. 2000. urtean eman zuten internazionalizaziorako pausoa, eta, gaur egun,munduko bost kontinenteetan saltzen dituzte produktuak.
