Gipuzkoako lurraldearen % 61,5 basoak dira. EAEko ehunekorik handiena da, eta Europako batez bestekoa (% 40) baino askoz handiagoa. Gipuzkoan abandonaturik dauden basoen azalera baso guztien %16,5 da. Parametro horretatik, eta beste batzuetatik, abiatuta ipini du martxan Aldundiak Basotik Fundazioa.
Errentagarritasuna, kudeaketa eta segurtasuna bermatzen ditu Basotik Fundazioak. Kudeatu gabeko baso-ustiategietako jabeendako, errentagarritasunik gabe kudeatutako ustiategien jabeendako edo karbono-aztarna murriztu gura duten enpresendako eta sektoreendako zerbitzua da.
Nola neurtu
Basoaren balioa kalkulatzeko irizpide batzuk hartuko dira kontuan, hala nola tamaina, geruza ezberdinen balioak, lurraren ezaugarriak eta ustiategiaren egoera, irisgarritasuna, araudia… Lurraren jabearekin kontratu bat sinatuko da, lursail horien kudeaketa osoa Basotik erakundeari lagatzeko. Jabeak kontraprestazio bat jasoko du lursailak laga eta lehenengo urtetik basoen txanda amaitu arte.
