Eskola proiektuaren jarraikortasuna bermatzeko "konpromisoa" eskatu diote Jokin Bildarratz sailburuari

EH Bilduko legebiltzarkide Ibai Iriartek Antzuolako Herri Eskolaren egoera "larria" dela eta bere "etorkizuna kinkan dagoela" azaldu du Legebiltzarrean. Aitzindaria den hezkuntza proiektuaren jarraikortasuna bermatzeko "konpromisoa" betetzeko eskatu dio Jokin Bidarratz Hezkuntza sailburuari.

"2019ko irailean egoera larria zen eta larria da orain ere. Klaustroaren erdia baino gehiago ez da finkoa eta sei kidek soilik daramate bost urte baino gehiago lanean eskolan; horietatik batek erretiroa hartuko du aurten, eta beste bik datorren urtean. Hau da, hiru kide horiek eskola uztean bere garaian proiektu pedagogiko aitzindari hau martxan jarri zuten kide guztiak eskolaz kanpo egongo dira. Eredu pedagogiko indartsu baten oinarria klaustro finkoa da eta horregatik proiektu hau kinkan jarria dago. Konpromisoa eskatu gura diogu Hezkuntza Sailari, eta legez besteko proposamenari erantzuna eta irtenbidea ematea. Izan ere, gaur gaurkoz ez dago erantzunik", adierazi du Ibai Iriartek legebiltzarkideak.

Iriartek gaineratu du orain dela garaia 2021-2022 ikasturtea planifikatzeko. "Irailean egoera hau konponduta egon dadin, uste dugu orain dela ikasturtea planifikatzeko garaia. Izan ere, Antzuolako Herri Eskolaren aldetik izugarrizko gogoa eta lana dago proiektu honen jarraikortasuna bermatzeko".

Erlazionatuak

Herri Eskolaren proiektuaren jarraikortasuna bermatzeko proposamena egin du EH Bilduk

Antzuola

Hezkuntza munduan Antzuolako eskola erreferentzia bilakatu dela azpimarratu du Rebeka Uberak, eta funtsezkotzat jo du irakasleriaren egonkortasuna ...
Legebiltzarrak aho batez onartu ditu eskola proiektuari jarraikortasuna emateko neurriak

Antzuola

Gaur goizean, legebiltzarreko osoko batzarrak aho batez onartu du eskola proiektua babesteko neurria. "Eskolak, gurasoek, Udalak eta, orohar, herri...
Herri Eskolako proiektua defendatu dute Legebiltzarrean

Antzuola

Herri Eskolako, Udaleko eta Pausoka guraso elkarteko kideak Legebiltzarrean izan dira. Egun, Herri Eskolaren pedagogiak bizi duen egoeraz jardun du...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.