Onartutakoaren arabera, legebiltzarrak Hezkuntza Sailari honakoa eskatzen dio:
1- Proiektu aitzindari eta berritzaile egonkortuak dituzten zein errealitate konplexuei aurre egin behar dien ikastetxeetan, hezkuntza proiektuak sendotu eta jarraikortasuna emateko, premiaz egon daitezkeen aukera desberdinak aztertu eta ezarri ditzala.
2-Antzuolako Herri Eskolako hezkuntza proiektuaren jarraikortasuna bermatzeko bertako lanpostuak berezitzat izendatu eta hala har ditzala langile hornikuntza prozeduretan.
Antzuolako alderdi sozialistak ohar bidez adierazi dio GOIENAri Herri Eskolaren berezitasuna babesten duela eta goizean legebiltzarrak aipatutako neurriak onartu izanak pozten duela.
