"Araudi berriaren ezaugarrietako bat da Kalebarrenen eta Herriko Plazan, eguen iluntzetan eta zapatu eguerditik astelehen goizaldera arte ibilgailuendako itxita dagoela. Salbuespen batzuk baditu araudiak: bizilagunak sar daitezke gunera zamalanak egitera, bertan denda edo tabernaren bat daukatenak, anbulantziak, Ertzaintza, suhiltzaileak… ere bai. Gainerakook ez daukagu hortik pasatzeko baimenik", argitu du Udalak.
Araudia nahiko ondo betetzen dutela herritarrek gaineratu dute, baina, badira kasurik egiten ez dioten batzuk ere: "Egoera horrek lasai dabiltzan oinezkoendako arriskua dakar, begirada txarrak, enfrentamenduak eta abar. Egoera ikusita, eta kontuan hartuta udaltzainik ez daukagula, urriaren 15etik aurrera Ertzaintza arduratuko da zirkulazio-araudia betearazteaz".