Udal eta Foru hauteskundeak 2015

EH Bildu garaile eta pozik, eta EAJ ere bai, gorantz egin duelako

Ubane Madera 2015ko mai. 25a, 01:06
Antzuolako udalbatza, 2015.

Antzuolako datuak: EH Bildu 702 boto (7 zinegotzi)  EAJ: 339 (3 zinegotzi); PSE-EE 89 (zinegotzi bat); zuriak 24; baliogabeak 16. Beñardo Kortabarria: "Zortzigarren zinegotzia lortzear izan gara".

Beñardo Kortabarria  (EH Bildu): "Oso pozik gaude. Zortzigarren zinegotzia lortzear egon gara, justu-justu, hamaika bototara geratu gara; pena izan da baina parte-hartzea ere jaitsi egin da. Zazpi zinegotzi mantentzea lortu ditugu eta balorazio oso positiboa egiten dugu EH Bilduko taldekideok".

Luis Javier Telleria  (EAJ): "Benetan pozik gaude. Bototan gora egin dugu eta laugarren zinegotzia eskuratzea lortu dugu gainera. Bat gehiago gara orain; EH Bildu eta gu aurrez aurre izango gara baina elkarlanean aritzeko. Pixka bat indartsuago sentitzen gara eta pixkanaka goraka joatea espero dugu. Debagoienean gertatu denaren isla izan da".

Miren Gallastegi (PSE-EE): "Eskerrik asko botoa eman diguten 89 herritarrei; eskerrik asko enplegua, garapen ekonomikoa eta zerbitzuen kalitatea mantentzearen alde bozka eman duten antzuolarrei; zorionak EH Bilduri eta espero dugu elkarrizketa eta negoziazioa oinarri izanda herri anitz baten eta integratzaile baten alde lan egingo dutela".

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak