Azaroan udaberri-udako loreak kendu zituzten lorezainek negukoak jartzeko eta herritarren eskura jarri zituzten. Ekimenak arrakasta izan zuen eta orain gauza bera egingo dute: negukoak herritarren eskura utzi udaberrikoak sartzeko.
Gaur, eguaztena, eta bihar ibiliko dira lorezainak herriko berdeguneetatik eta loreontzietatik neguko loreak kentzen eta udazkenean egin zuten moduan, karteltxo batzuk jarriko dituzte negukoak har daitezkeela esateko. Herritarrek etxera eraman ahal izango dituzte lore horiek gura izanez gero.