Aloña Mendiko Espeleologi Taldeak baieztatu duen moduan, emakume baten hezurrak aurkitu dituzte Arantzazu inguruko koba baten egindako aurkikuntzan. Adituei bidali dizkiete hezurrei ateratako argazkiak eta adituek euren susmoak konfirmatu dituzte; emakume baten aldakako hezurrak direla. Gipuzkoako Aldundian eman dute aurkikuntzaren berri eta hango teknikaria etorri da hezurrak jasotzera. "Segur aski, Brontze Aroko hilobiratzea izango da. Garai hartan, orain dela 4.000 urte edo, ehorzketa-haitzuloak ohikoak ziren", dio Aloña Mendiko Espeleologia Taldeak.
Hezurrak ondo jaso eta Gordailua izeneko Gipuzkoako Foru Aldundiaren Ondare Bildumen Zentrora bideratu dituzte.
