Urtean bi kanpaina egiten ditu Udalak baserrietako auzo-bideak garbitzeko. Aurreko urtean, orain arteko besoarekin izandako arazoekin, kanpaina atzeratu egin behar izan zuten martxan ipintzeko konponketa egin behar izan zitzaiolako, baina aurtengo denboraldirako, "ekipamendu berriaren inbertsioa eginda", auzo bideak garbitzeko prestatuta egongo dela jakinarazi du Udalak berak.
Servimac Suministros Agrícolas industriales enpresari erosiko dio Rousseau etxeko Kastor 550PA markako besoa sastrakak kentzeko, eta gaur egungo udalaren traktorera egokituko dute.