60 urte betetzen ditu Oñati abesbatzak aurten. Urte guztiko egitaraua antolatu dute ospatzeko eta horretan dihardute joan den abendutik. Kontzertuak, hitzaldiak eta liburu aurkezpenak egingo dituzte, besteak beste, eta bidelagun izango dute horretan Udala. 8.000 euroko ekarpena egingo dio Udalak egitasmoari; lankidetza hitzarmena sinatu dute alde biek.
Oñati abesbatza 1966an sortu zen. Egun 45 kide ditu eta helburu nagusien artean "euskal musika eta kultura sustatzea edo ekintza humanistiko sozialetan eragitea" dauka.
