Herrigunean, oinezkoen bideetan, espaloietan eta eskaileretan, gatza botatzen hasi dira goizean goiz udal brigadakoak, kale garbitzaileak zein lorezainak. Labainkorrak zeuden, izotzaren ondorioz eta izotza kentzea izan da euren lehentasuna. Landa inguruetan, berriz, udaletxeko pick-up ibilgailua dabil goizetik bideak garbitzen –atzo ere bai–. San Martin eta San Lorentzo auzoetan ere ibili da ibilgailu hori, aldapak garbitzen.
Azaroaren erdian sartu zen indarrean elurraren protokoloa, neguko prebentzio plana. Martxoaren amaierara arte egongo da indarrean.