Meza, herri kirolen erakustaldia eta Miren, Agur eta Oier taldearen dantzaldia egongo dira, bihar, uztailak 31, Urbian. Gipuzkoako eta Araba Partzuergoek antolatutako ekitaldietara Debagoieneko, Segurako, Zegamako eta Aizkorri-Aratz natura parketik gertu dauden Arabako herrietako herritarrak joango dira.
Gehienak oinez gerturatuko dira Urbiara; izan Arantzazutik edo Araba aldetik. Baina, ibilgailuarekin ere igo ahal izango da. Baina, oraingoan 4x4 ibilgailuan joan behar da pista zati bat egoera txarrean dago-eta. Ibilgailuko bost euro kobratuko dute.
Hauxe da San Inazio eguneko egitaraua, Urbian.
11:30ean, bertso-meza. Ondoren, hamaiketakoa Partzuergoak eskainita
13:00etan, herri kirolak. Idiazabalen eta Zegamaren arteko lehia
Bertsolariak eta soinujolean egunean zehar
Erromeria: Miren, Agur eta Oier, Fondakoak antolatuta
Ospakizun honen ostekoa, Urbiako fondaren mendeurrenekoa izango da. Abuztuaren 30ean beteko ditu 100 urte.
