Hots abesbatzako presidente den Arantzazu Muruak eman dio emakume dendarien aitortza saria Maribi Arregiri gaur arratsaldean Ganbara Faktoriako abesbatza horrek Santa Anan eskaini duen kontzertuaren amaieran. Emakumeek idatziak zuen izena kontzertu eta hala, emakume sortzaileen piezak abestu dituzte Amaia Zipitria piano jotzailea lagun eta Aitor Biainen zuzendaritzapean. Kontzertuan zehar, Oñatiko emakume dendarien argazki zaharrak proiektatu dituzte. Biainek eskerrak eman die Udal artxiboko langileei, Jone Arrazolari eta Artixa elkarteari argazki horiek bilatzearren eta eurei helaraztearren.
