Urtarrilaren 17an, egubakoitza, jokatuko da Danbaka Musika Lehiaketako finala Bergarako Seminarixoan, eta epaimahaiak atzo jakinarazi zuen Oñatiko Malko taldea izango dela finalistetako bat, Arrasateko Del Val eta Rebel Noisekin batera; hala ere, oholtza gainean lagun izango dute Publikoaren Saria irabazten duen taldea ere, urtarrilaren 14ra arte baitako bozkatzeko aukera. Malko taldearendako, ordea, ez zen eguneko ezusteko bakarra izan, Gasteizko Jimmy Jazz aretoan jokatutako Gaztea Maketa Lehiaketako finalean garaipena eskuratu baitzuen gaualdean; Aramu, Malko eta Mikosis taldeak izan zituen alboan boskoteak oholtza gainean.
Debagoieneko Lemak, Sotoalde eta Doce C taldeak ere Gaztea Maketa Lehiaketako parte izan dira igaro berri den edizioan, aurrefinalisten artean baitzeuden. Horrez gain, Antzuolako eta Hernaniko musikariek osatutako Karena taldea ere lehiaketara aurkeztu zen, baina ez zuen aurrefinalista izatea lortu.
