Familientzat txango gidatua, Aitzulora

Arantzazuko parketxeak antolatutako ibilbide gidatua aukera paregabea da Aizkorri-Aratz natura-parkea ezagutzeko, Aitzulo zehazki. Urriak 27an, goizeko 10:00etan  Arrikrutzeko aparkalekua igaro eta kilometro eta erdira errepidearen ezkerraldean dagoen aparkalekuan hasiko da txangoa. Hiru orduko iraupena izango du, azalpenak barne, eta 13:00etan emango zaio amaiera ekintzari. 6 eurokoa izango da prezioa eta 12 urtetik beherakoentzako 4 euroko kostua izango du. Aurrez izena eman behar da, plaza mugatuak izateaz gainera, eguraldiari dagokionez azken orduko aldaketaren bat balego, antolatzaileek abisua emateko aukera izango dutelako. Izena emateko edo informazio gehiagorako: 

• arantzazu@gipuzkoanatura.eus
• 943 78 28 94 / 699 33 51 83
• www.gipuzkoanatura.eus