Landa lurrak erosteko beste deialdi bat egin du Oñatiko Udalak. Goian aipatutako inguru horietan daudenak eskuratu gurako lituzke eta hor lursailen bat, edo azaleraren erdia gutxienez aipatutako eremuetan dauden lursailen bat saltzeko duten jabeek aurkeztu dezakete proposamen edo eskaintza. Udalak ordainduko lukeen gehienezko prezioa mugatu du, 2.000 €/Ha.
Abenduren 27a da epea
Lehiaketara aurkezten diren lursailak baloratzerakoan hiru irizpide nagusi hartuko dira kontutan: prezioa, lursailaren azalera eta udal jabegoko lursailekiko gertutasuna. Eskaintza ekonomiko merkeenak, azalera handienekoak eta udalaren lursailetatik hurbilen daudenak lehenetsiko dira. Landa lurrak erosteko deialdi honen inguruko xehetasunak udal web atarian, kontratatzailearen profila atalean daude. Interesatuek abenduaren 27ko gauerdira arteko epea dute eskaintzak egiteko. Eskaintzak, paperean, udaleko HAZ bulegoan aurkeztu daitezke edo modu elektronikoan, udaleko web atariaren bitartez.
Bertako espezie, baso eta ekosistemen kontserbazioa indartu eta bioaniztasun galera gelditzeko politika sustatzea da udalaren helburua.
