Eguraldia lagun, bizikleta martxa egin dute 15 lagunek Elorregitik Oñatiko Correos pareraino. Jabi Bujanda Txebi oñatiarrak gidatu du martxa eta hark azaldu duenez goiz-pasa horren helburua izan Elorregi eta Oñati bitarteko trenbide-sarea ezagutaraztea. Horretarako, bi bideo erakutsi dizkie parte-hartzaileei: "Bi bideo ekarri ditut, eta kartografia mapa bat oinarri hartuta hor ikusi dute zein zen trenaren ibilbide originala, eta behin trena itxita eremu horietan fabrikak edota etxeak eraiki dituzten".
Herritarren testigantzak
Horretaz gain, ibilbidean zehar egun ikus daitezkeen ibilbideko zubi eta tunelak ere ikusi dituzte: "Bi zubi operatibo daude, beste bi apurtuta; tunel bat, geralekua eta Correoseko estazioa ikusi ditugu".
Gainera, herritarrekin ere egin dute topo bidean eta bi puntutak Vasco-Navarro trenari buruzko bizipenak eta testigantzak entzuteko aukera ere izan dute. Ibilaldiaren ostean, "gustura eta helburua beteta" agertu da Txebi.
