Hainbat urte egin zituen jardun horretan Jonan Ordorikak (Oñati, 1967), eta musikari askorekin egin du lan bere ibilbidean; besteak beste, Ruper Ordorika anaiarekin. Azkenekoz, Amour eta toujours (2021) lanean aritu ziren elkarrekin, baina, aurrez, Ordorikak kaleratutako lan ugaritan ere batera jardun zuten.
Mamia estudioa ere berea zen, eta talde askok hor grabatu eta masterizatu dituzte euren lanak; tartean, bailarako musikari ugarik.
Lou Reed-en omenezkoa
Lou Reed musikariaren omenezko lan baten sustatzaileetako bat ere izan zen Ordorika 2014an, oso gaztetatik baitzen Lou Reeden jarraitzaile, eta pertsonalki ezagutzea ere lortu zuen. Hala, musikaria hil eta gutxira, hainbat euskal artistak parte hartu zuten proiektu bat abiatu zuen Lou Reed, mila esker izenpean. Tartean ziren, besteak beste, Andoni Basterretxea, Txuma Murugarren, Maddi Oihenart, Gorka Urbizu, Anari, Petti, Iñigo Muguruza, Joseba Tapia, Xabier Leturia eta Rafa Rueda.
Samin mezuak
Ordorikaren heriotzaren berri izatean, hainbat dira sare sozialetan mezuak zabaldu dituzten lagunak eta ezagunak.
Gure musikagintzak bere artisau jakintsu bezain apalenetako bat galdu du. Aldean daroatzagun horrenbeste kanta horren ondo entzunarazi dizkigun intxixua, bai diskoetan bai zuzenekoetan. Hau bihotzeko mina. Gora Jonan Ordorika! pic.twitter.com/UHaYAa1Pgv
— gotzon barandiaran (@gotzonbarandi) August 8, 2023
Sinestu ezinik nago Jonan Ordorika hil dela. Ruperren zale izanik, banekien zein garrantzitsua zen anaiaren lana eta babesa. Gero, "Lou Reed, mila esker" diskoarekin ezagutu nuen. Geroztik, soinu-mahaiaren ondoan zegoen gizona baino askoz ere gehiago izan zen niretzat. Ze pena... pic.twitter.com/wMyNcWqM6A
— Ana Galarraga Aiestaran (@AnaGalarraga1) August 8, 2023
Jonan Ordorika eta Fermando Saunders Elgetako Espaloian, 2015eko martxo edurtsuan.
— Iban Arantzabal (@iarantzabal) August 8, 2023
Lou Reed-ek, Jonan Ordorikari oparitutakoarekin jo zuen Saundersek.
Ez da hilabete MICE eta Ruper sonorizatzen ikusi nela Jonan. Espaloiaz galdetu zidan Bergaran.
Ze pena! Saminean lagun. pic.twitter.com/v0XI3vAtPl
Beti arte, Jonan Ordorika. Zenbat momentu on. Ez zaitugu berehalakoan ahaztuko
— Joni Ubeda (@joniubeda) August 8, 2023