Sarek deituta, manifestazio jendetsua egin dute Oñatiko kaleetan, Gradu erregresiorik ez! Joseba Arregi etxera! lemapean. Izan ere, martitzenean itzularazi zuten kartzelara oñatiarra, hirugarren graduan egun gutxi batzuk besterik ez zeramatzanean.
Sarek salatu duenez, Arregik kalean egon beharko luke dagoeneko eta hirugarren gradua eskatu dute harentzat. Izan ere, 77 urte ditu eta horietatik 31 pasa ditu kartzelan. Espainiako zigorraren hiru laurdenak 2019ko ekainean bete zituen.
Apirilaren 29an, Sarek deituta, prentsaurreko jendetsua egingo dute Donostiako Artzai Onaren plazan, gradu erregresioak salatzeko.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.